Julphar pharmaceuticals and Medtech Ethiopia in collaboration opens a huge pharmaceutical factory in Ethiopia.
ጁልፋር መድኃኒት ፋብሪካ ዓለም አቀፍ የጥራት ሠርተፊኬት አገኘ
ጁልፋር ሠርተፊኬቱን ያገኘው የሳይንስና ቴክኖሎጂ ሚኒስቴር ከጀርመን መንግሥት ጋር ባለው ስምምነት መሠረት ጂአይዜድ ለጁልፋር አስፈላጊውን ሥልጠና ከሰጠ በኋላ ገለልተኛ ኦዲተሮች መጥተው የፋብሪካው ምርቶች ዓለም አቀፍ የጤና ተቋም (WHO) ባወጣው መስፈርት መሠረት መመረታቸውን በማረጋገጣቸው ነው፡፡ አጋጣሚው የፋብሪካውን ተወዳዳሪነቱን እንደሚያሳድግ፣ የጥራት ማረጋገጫ ሠርተፊኬቱ ሐምሌ 29 ቀን 2007 ዓ.ም. በፋብሪካው ቅጥር ግቢ በተሰጠበት ወቅት ተገልጿል፡፡ አቶ ሙከሚል አብደላ በጁልፋር መድኃኒት ፋብሪካ የኢትዮጵያ ተጠሪ ናቸው፡፡ እሳቸው እንደሚሉት ሠርተፊኬቱ ሰፊ የገበያ ዕድል ይፈጥራል፡፡ ከዚህ ቀደም የፋብሪካው ገበያ ውስን ነበር፡፡ ይኸውም መንግሥት ፋይናንስ የሚያደርገው ግዢና የግሉ ገበያ ብቻ ነበር፡፡ ነገር ግን አሁን በሠርተፊኬቱ አማካይነት ሰፊ በሆነው የዓለም ገበያ ላይ መሳተፍ ይቻላል ያሉት አቶ ሙከሚል፣ ‹‹ማምረትና ማቅረብ በቻልነው ልክ ኤክስፖርት ማድረግ እንችላለን፤›› ብለዋል፡፡ የፋብሪካውን የጥራት ደረጃ ለማሟላት በተደረጉ ልዩ ልዩ ወጪዎች ሁለት ሚሊዮን ብር እንደወጣም ተናግረዋል፡፡ ‹‹መቀየር የነበረብን ማሽኖች ነበሩ፣ የመረጃ አያያዝ፣ የሕንፃ ጥራትና ጥሬ ዕቃ የሚያቀርቡ አቅራቢዎችን ለመቀየር ተገደናል፤›› ይላሉ፡፡
Share

Comment: (1)

You are not signed in. Sign in to post comments.

commenter
mediadmin

July 27, 2017 |

test

Comments are closed.